Naghain ang Koalisyong Makabayan sa Kamara, sa pangunguna ni Representante Antonio L. Tinio ng ACT Teachers Party-list, ng panukalang kagyat na itaas sa PhP2,000 mula PhP1,000 ang buwanang social pension ng mga indigent seniors.<\/p>\n
Ipinapanukala rin na saklawin sa makatatanggap nito ang mga pensyonado ng SSS at GSIS na PhP10,000 o mas mababa pa ang nakukuha kada buwan.<\/p>\n
Nais ng House Resolution No.1370\u00a0 na magbigay ng higit na suportang pangkabuhayan sa mga nakatatandang hirap punan ang kanilang mga batayang pangangailangan sa gitna ng humaharurot na presyo ng pagkain, gamot, kuryente’t tubig at iba pang pang-araw-araw na gastusin.<\/p>\n
“Kongkretong hakbang ito sa pagkilalang di lang pasasalamat nating lahat ang karapatdapat na matanggap ng ating mga seniors, kundi pati sapat at sustenidong proteksyong panlipunan” ani Rep. Tinio.<\/p>\n
Resulta ang panukala ng nagpapatuloy na adbokasya ng Seniors Kontra Kurakot (SKK), isang samahan ng mga nakatatanda na nagkakampanya ng pananagutan sa mga nasa gubyerno at karampatang dagdag na alokasyon sa badyet para sa mga serbisyo sosyal, kasama na ang mga programang susuporta sa mga matatanda.<\/p>\n
Konsistent na nanawagan ang SKK para sa higit na tustusing publiko sa serbisyo at proteksyong sosyal para sa mga seniors, laluna sa mga kakarampot lamang ang pensyon at iba pang pinagkukuhanan para sa pang-araw-araw at batayang gastusin.<\/p>\n
Malaking bagay ang panukalang pagtaas laluna sa mga pensioners ng SSS at GSIS na tumatanggap ng buwanang pension na PhP10,000 o mas mababa pa, na gaya ng mga ng mga indigent na matatanda ay humaharap sa parehong pasanin sa kabuhayan, pero nae-etsa-pwera sa programa ng social pension dahil may natatanggap silang pensyon na kakarampot naman.<\/p>\n
Ikinalugod ng SKK ang panukalang ito na importanteng tugon sa lumalawak na panawagan ng mga seniors para sa isang sistema ng proteksyong panlipunan na sapat at saklaw ang lahat.<\/p>\n
Iginiit\u00a0ng grupo na napakaimportanteng dagdagan ang mga rekurso para sa serbisyong panlipunan sa pamamagitan ng mas maigting pang pananagutan sa paggastos ng gubyerno at ng pagtiyak na pinaprayoridad ang mga susing serbisyo, kaysa mapunta ang pera ng bayan sa korapsyon, aksaya, at mga pinagtutustusang di naman kelangan.<\/p>\n
“Deka-dekada ng trabaho at serbisyo sa pamilya, komunidad at lipunan ang ambag ng mga seniors. Dasurb nila ang isang sistemang pensyon at proteksyong sosyal na makakapamuhay sila nang may dignidad, hindi yung madadamputan sila sa sobrang hikahos,” ayon sa SKK.<\/p>\n
Nanawagan ang SKK na suportahan ng Kongreso at pambansang gubyerno ang panukalang pagtaas at paglapad ng programang social pension, at tiyaking may sapat na pondong ilalaan sa pagtupad nito.#<\/p>\n","protected":false},"excerpt":{"rendered":"
Naghain ang Koalisyong Makabayan sa Kamara, sa pangunguna ni Representante Antonio L. Tinio ng ACT Teachers Party-list, ng panukalang kagyat na itaas sa PhP2,000 mula PhP1,000 ang buwanang social pension ng mga indigent seniors. Ipinapanukala rin na saklawin sa makatatanggap nito ang mga pensyonado ng SSS at GSIS na PhP10,000 o mas mababa pa ang […]<\/p>\n","protected":false},"author":2,"featured_media":6583,"comment_status":"closed","ping_status":"closed","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_uf_show_specific_survey":0,"_uf_disable_surveys":false,"footnotes":""},"categories":[1],"tags":[],"class_list":["post-6582","post","type-post","status-publish","format-standard","has-post-thumbnail","hentry","category-blog"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t