Inatasan ng Korte Suprema si Senate President Vicente Sotto III na magkomento sa petisyong inihain laban sa kanya kaugnay ng indirect contempt dahil sa kanyang mga pahayag hinggil sa unang set ng impeachment complaints laban kay Vice President Sara Duterte.
Ang petisyon na may petsang Pebrero 12, 2026 ay inihain ng mga abogado na sina Manuelito Luna, Harold Respicio, Mary Catherine Binag, Ferdinand Topacio, at Virgilio Garcia.
Binanggit nila ang komento ni Sotto sa desisyon ng Korte Suprema na nagdeklara na walang bisa ang mga artikulo ng impeachment na isinampa laban sa Bise Presidente noong nakaraang taon.
Anila, ang “unkindest cut” na ginawa ni Sotto laban sa hukuman ay ang kanyang pahayag na ang desisyon ng Korte Suprema na nagbasura sa 2025 impeachment complaints ay “practically amends the Philippine Constitution.”
“Acting on the verified petition for indirect contempt, the court resolved, without necessarily giving due course to the petition, to require the respondent to comment thereon within a non-extendible period of 10 days from notice of this resolution,” ayon sa abiso na nilagdaan ni Clerk of Court Marife Lomibao-Cuevas.
Ang abiso ay inilabas kasunod ng resolusyon ng SC en banc noong Abril 8, 2026.
Iginiit ng mga abogado sa kanilang petisyon na lumampas si Sotto sa hangganan ng lehitimong komentaryo at nagkaroon ng tendensiyang pahinain ang tiwala ng publiko sa Korte Suprema.
‘Pursuant to the resolution, the respondent must submit the comment within ten (10) days from receipt of notice, or by May 14, 2026,”pahayag ni Ting. # (RRN)