Tiniyak ni Sen. Panfilo “Ping” Lacson na patuloy niyang kakalkalin ang umano’y P6.79 bilyong budget insertions sa 2025 General Appropriations Act ni Sen. Alan Peter Cayetano.
Buwelta ito ni Lacson sa pagbatikos ni Cayetano sa kanila nina Sens. Erwin Tulfo, at Sen. Tito Sotto na umano’y attack dogs ng administrasyon.
“Out of his P6.79B budget insertions under the 2025 GAA, 68 out of the 70 projects were implemented. So, only 2 projects, equivalent to around P75M are left unreleased or unobligated. In short, a total of P6.715B ang nagastos. While you do the math, we will keep digging,” ani Lacson sa paskil sa X.
“Tolerated or not, their city engineer, a self-styled BGC boy, is using 2 aliases in casinos and has a lifetime win-loss record of almost P0.5B in just one of several casino hotels in Metro Manila,” pagsisiwalat ni Lacson.
Nauna rito’y inihayag ni Lacson na hindi dapat mainip si Cayetano sa imbestigasyon ng Blue Ribbon Committee sa flood control projects dahil meron din “ghost” sa Taguig City.
“Huwag siyang mainip, meron ding ghost sa Taguig.” # (ROSE NOVENARIO)