MAGTATAKA pa ba ang publiko kung bakit napakahirap matagpuan ng mga awtoridad ang puganteng founder ng Kingdom of Jesus Christ na si Apollo Quiboloy?
Batay sa ibinahaging mga larawan ng Philippine Defense Forces Forum Facebook page, makikita si Quiboloy kasama ang ilang matataas na opisyal ng Armed Forces of the Philippines (AFP) Eastern Mindanao Command ( EASTMINCOM) sa pagtatapos sa pagsasanay military ng mga miyembro ng KOJC sa ilalim ng SMNI Philippine Army Affiliated Reservist Unit (PAARU) noong Setyembre 2023.
“It looks like the group of men and women clad in military attire, reportedly “trained and equipped” to defend their fugitive leader Quiboloy, was trained “under the guidance of the SMNI Philippine Army Affiliated Reservist Unit (PAARU)”, the graduation of which was attended by high-ranking officers from the EASTMINCOM,” caption ng Philippine Defense Forces Forum sa mga larawan.
Inihayag ng Philippine National Police (PNP) kamakailan na hindi nila itinuturing na “armed and dangerous” ang puganteng si Quiboloy.
Matatandaan noong Nobyembre 10, 2021 ay inilabas ng US Federal Bureau of Investigation (FBI) ang warrant of arrest laban kay Quiboloy sa mga kasong conspiracy to engage in sex trafficking by force, fraud and coercion; sex trafficking of children; conspiracy at bulk cash smuggling. (ROSE NOVENARIO)