DIZON, AGUDA, RUIZ ISASALANG SA CA SA HUNYO 3

📷: PCO Secretary Jay Ruiz

ISASALANG sa Martes, Hunyo 3, ang tatlong miyembro ng gabinete ni Pangulong Ferdinand “Bongbong” Marcos Jr. sa makapangyarihang Commission on Appointments (CA).

Sinabi ni CA Minority Leader at Surigao del Sur 2^nd District Rep. Johnny Pimentel na aabot sa 360 presidential appointees ang gigisahin ng CA bago  mag-adjourn sa Hunyo 13.

Kabilang sa mga isasalang sa CA sa Hunyo 3 ay sina Transportation Secretary Vivencio “Vince” Dizon II, Information and Communications Technology Secretary Henry Rhoel Aguda, at Presidential Communications Office Secretary Jaybee Carbonel.

“We are set to tackle the confirmation of 360 appointees and nominees in the coming days,” ani Pimentel sa isang kalatas.

“Our understanding is that Senate President Francis ‘Chiz’ Escudero wants all pending appointments processed before Congress adjourns sine die on June 13,” dagdag niya.

Ang presidential appointees aniya na hindi makokompirma ng CA ay kailangan i-reappoint ni Pangulong Ferdinand “Bongbong” Marcos Jr. at isailalim sa “vetting process” bago muling isalang sa CA sa 20^th Congress.

Magpapatuloy ang confirmation hearings sa Miyerkoles, Hunyo 4,  June 4, para kina  Commission on Elections (Comelec) Commissioners Noli Pipo at Maria Norina Tangaro-Casingal, Civil Service Commission (CSC) Commissioner Luis Meinrado Pañgulayan, at Commission on Audit (COA) Commissioner Douglas Michael Mallillin.

Aabot naman sa 294 high-ranking military officers ang daraan din sa confirmation hearing sa Hunyo 4, 10, at 11.

Sa Hunyo 11 ay 58 senior foreign service officers ay isasailalim din sa confirmation proceedings.

Inaabangan ng netizens kung mauukilkil sa confirmation hearing kay Ruiz ang ulat na mag-uugnay sa kanya sa Digital 8 Inc, isang media company na , nakakuha ng P206.052 milyong halaga ng mga kontrata mula sa Philippine Charity Sweepstakes Office (PCSO) noong 2024. (ZIA LUNA)