SA kanyang kaarawan, hinamon ng ACT Teachers Partylist si Vice President Sara Duterte sa kanyang kaarawan na piliin ang katotohanan kaysa panloloko, pananagutan kaysa pag-iwas.
Sa isang kalatas sinabi ni ACT Teachers party-list Rep. France Castro, dapat igalang ni VP Sara ang proseso ng impeachment dahil ito’y konstitusyonal at lehitimo, sa halip na sirain ito sa kanyang mga desperadong kalokohan.
Kasalukuyang nasa The Hague, Netherlands si VP sara upang ipagdiwang ang kanyang kaarawan kasama ang ama na si detenidong dating Pangulong President Rodrigo Duterte.
“Instead of celebrating with more lies and political theatrics, VP Duterte should use this occasion to reflect on her actions and face the impeachment charges squarely. The Filipino people deserve transparency, not squid tactics,”sabi ni Castro.
Akusado si VP Sara sa “culpable violation of the Constitution, bribery, graft and corruption, betrayal of public trust and other high crimes, particularly her alleged misuse of P612.5 million in confidential funds.”
Itinakda ang presentasyon ng articles of impeachment sa Hunyo 11.
Kailangan ang boto ng 16 senator-judges upang mahatulang guilty si VP Sara, matanggal sa puwesto at pagbawalang magkaroon ng puwesto sa gobyerno habambuhay. (ROSE NOVENARIO)