š·: Executive Secretary Lucas Bersamin
MANANATILI bilang mga miyembro ng gabinete ni Pangulong Ferdinand āBongbongā Marcos Jr. sina Executive Secretary Lucas Bersamin at limang economic managers.
Inanunsyo ni Bersamin na kompirmadong hindi tinanggap ni Marcos Jr. ang courtesy resignation nila nina Trade Secretary Ma. Cristina Roque, Finance Secretary Ralph Recto, Economy, Planning and Development Secretary Arsenio Balisacan, Budget Secretary Amenah Pangandaman at Special Assistant to the President for Investment & Economic Affairs Frederick Go.
Habang tinanggap naman ni Marcos Jr. ang pagbibitiw nina Environment Secretary Maria Antonia Yulo-Loyzaga at Human Settlements and Urban Development Secretary Jose Rizalino Acuzar, ayon kay Bersamin.
Si Loyzaga ay papalitan ni Energy Secretary Raphael Lotilla.
Papalitan si Acuzar ni Engr. Ramon Aliling.
Si Acuzar ay itinalaga bilang Presidential Adviser to the Pasig River improvement na may ranggong secretary.
Si Foreign Affairs Undersecretary Ma. Theresa Lazaro naman ang uupong bagong Foreign Affairs Secretary kapalit ni Enrique Manalo na itinalagang Philippine Permanent Representative to the United Nations.
Nakatakdang magretiro si Antonio Manuel Lagdameo, bilang Philippine Permanent Representative to the United Nations sa Hulyo 31.
Sinabi ni Bersamin na magkakaroon pa ng “more careful evaluation in the other positions” sa mga susunod na araw at iaanunsyo ito sa susunod na linggo. (ROSE NOVENARIO)