MALUTONG na halakhak ang tugon ni Pangulong Ferdinand “Bongbong” Marcos Jr. sa pamosong “PDEA Leaks” o ang umano’y nailigwak na mga dokumento mula Philippine Drug Enforcement Agency na nagsasangkot sa kanya sa paggamit ng illegal drugs kasama ang aktres na si Maricel Soriano.
“Hahahaha,” sagot ni Marcos Jr. sa reporter na nagtanong ng kanyang reaksyon kaugnay sa isinasagawang imbestigasyon ng Senate Committee on Public Order and Dangerous Drugs ni Sen. Ronald “Bato” dela Rosa hinggil sa PDEA Leaks.
Sinabi ni Dela Rosa na nagkompirma si Soriano na dadalo sa ikalawang pagdinig ng kanyang komite sa usapin.
Ilang beses nang inihayag ng PDEA na peke ang mga dokumento sa “PDEA Leaks” na pirmado umano ni Jonathan Morales, dating anti-drug operative. (ZIA LUNA)