TABLADO kay Senate President Chiz Escudero ang pangangalap ng pirma ng People’s Impeachment Movemant upang ipakita na may panawagan ang publiko na simulan na ang impeachment trial laban kay Vice President Sara Duterte.
Ayon kay Escudero, kahit gaano karami ang lagda ay hindi maaaring makapag-amyenda ng batas o makakombinse sa kanya na buuin ang impeachment court sa panahon ng recess at hindi tumatalima sa mga kinakailangang kondisyon bago itatag ito.
“No amount of signatures will amend the law nor convince me to violate it by convening the impeachment court during recess and without complying with the requisite conditions precedent,” sabi ni Escudero.
Nanindigan ang Senate President na Hindi nababali ang batas o yumuyukod sa dikta ng mga nais madaliin ang impeachment proceedings laban kay VP Sara.
“The law is not bendable and should not bow to anyone’s dictate simply because of their own desire, bias and timetable of wanting to rush the impeachment proceedings vs. VP Sara,” giit ni Escudero. (ZIA LUNA)