NANAWAGAN ang Department of Migrant Workers (DMW) at Overseas Workers Welfare Administration (OWWA) sa overseas Filipino workers na apektado sa bakbakan ng Israel at Iran na kumontak sa mga awtoridad kapag nangangailangan ng tulong sa pamamagitan ng pagtawag sa emergency hotlines.
DMW-OWWA Helpdesk (local): 1348
DMW-OWWA Helpdesk (abroad): +63 2 1348
ISRAEL
Philippine Embassy: +972 54 466 1188
Migrant Workers Office: +972 50 762 2590
Overseas Workers Office: +972 50 715 6937
LEBANON
Philippine Embassy: +961 70 858 086
MWO: +961 79 110 729
JORDAN
Philippine Embassy: +962 7 7907 7775, +962 7 7721 9000
MWO: +962 7 8149 1183 / +962 7 8519 1891
Ayon sa DMW at OWWA kailangan beripikahin ng OFWs ang impormasyon bago iulat sa mga tanggapan upang maiwasn ang kalituhan.
Ang paalala ay ginawa ng mga ahensya kasunod ng serye ng airstrikes ng Israel sa Iran na ang target ay nuclear facilities at missile sites, na ayon sa Israel, ay unang yugto pa lang ng mas malaking operasyon.
Gumanti ng atake ang Iran noong Biyernes ng gabi, matapos tawagin ang pag-atake ng Israel na isang “declaration of war.”
Sa panayam sa DZMM Teleradyo , sinabi ni Migrant Workers Secretary Hans Leo Cacdac na wala pang apektadong Pinoy pero nasa heightened alert na ang kagawaran at nakahandang tumulong sa OFWs. (ZIA LUNA)