Maaari nang magsumite ng reklamo ang mga Pilipino laban sa mga gasolinahan sa pamamagitan ng eGovPH app.
Kapag naisumite na ang ulat, makakakuha ang user ng natatanging ticket number na magagamit upang masubaybayan ang estado ng kanilang reklamo.
Maaari ring tingnan ang progreso ng reklamo sa app, at magpapadala rin ng mga update sa pamamagitan ng text message, ayon sa Department of Energy (DOE).
Lahat ng ulat ay ipapasa sa DOE at iba pang kaukulang ahensya gaya ng Department of the Interior and Local Government (DILG), mga Local Government Unit (LGU), at Philippine National Police (PNP).
Ngayong linggo, tumaas ang presyo ng langis ng P17 hanggang P24 kada litro, na tinukoy ni Energy Secretary Sharon Garin bilang ang “pinakamataas na pagtaas” sa kasaysayan.
Samantala, inaprobahan na sa ikalawang pagbasa ng Kamara ang panukalang batas na magbibigay kapangyarihan kay Pangulong Ferdinand “Bongbong” Marcos Jr. na pansamantalang suspindihin o bawasan ang excise tax sa mga produktong petrolyo sa gitna ng pandaigdigang krisis sa presyo ng langis. (ZIA LUNA)