NASUNGKIT ni Melai Cantiveros ang Best Actor Award sa Asia Artist Awards 2023 na ginanap kagabi sa Philippine Arena sa Bulacan.
“If someone (questions) why I have (an) award, don’t worry. I question too. I just receive an award all my life from my mother and father when they are angry to me. Tonight, my heart is kuan. I think it’s because God moves in mysterious ways,” wika ni Mela isa kanyang acceptance speech.
Masigabong palakpakan ang umalingawngaw sa Philippine Arena at maging ang SB19 ay ipinakita sa screen na aliw na aliw sa talumpati ni Melai.
Naging tampok si Melai sa pelikulang “Ma’am Chief” na ipinalabas noong nakaraang buwan.
Nanalo rin bilang Best Actor sina “Business Proposal” stars Kim Sejeong at Ahn Hyo-seop, Lee Dong-hwi at Lee Junhyuk.
Unang pagkakataon na idinaos sa Pilipinas ang AAA 2023 na ginagawaran ng parangal ang best in K-pop at K-drama para sa taon. (Larawan mula sa Instagram ni Melai Cantiveros)