TATAAS muli ang presyo ng mga produktong petrolyo sa susunod na linggo, ayon sa Department of Energy.
Batay sa pagtaya ng DOE, madaragdagan ng mula P0.80 hanggang P1.00 ang kada litro ng gasolina at diesel.
Habang ang kerosene ay may umento ng hanggang P0.80 kada litro.
Ang tensyon sa pagitan ng Israel at Iran ang posibleng dahilan ng panibagong oil price hike.
Sa Lunes iaanunsyo ng oil companies ang bagong presyo ng kanilang mga produkto na ipatutupad simula sa Martes. #