Kasunod ng bilateral meeting nina Pangulong Ferdinand R. Marcos Jr. at U.S. President Donald Trump sa Maynila nitong Miyerkules, inanunsyo ng White House nitong Huwebes, Nobyembre 19, 2026, ang mga makasaysayang kasunduan sa komersyo at depensa sa pagitan ng dalawang bansa.
nod: Bukod sa mas malawak na pangakong palakasin ang kalakalan sa enerhiya at agrikultura—na inilarawan ni Trump bilang “ang pinakamalaking trade deal na nagawa namin, at isang patas na kasunduan para sa parehong bansa”—kabilang sa mga bagong kasunduang napagkasunduan ang mga sumusu
- Aviation: Pinal nang napagkasunduan ng Boeing at GE Aerospace ang $12 bilyong bentahan sa Philippine Airlines para sa hanggang 20 Boeing 787 aircraft na may mga makina mula sa GE Aerospace.
- Defense Financing: Magbibigay ang Amerika ng Foreign Military Financing (FMF) loan package na hihigit sa $2 bilyon upang palakasin ang kakayahan ng Pilipinas sa depensa. Sa halagang ito, $400 milyon ang nakalaan upang palawakin ang operasyon at deterrence capability ng Armed Forces of the Philippines sa South China Sea.
- AI Defense Support: Inanunsyo ng Department of National Defense ang $37 milyong kontrata para sa AI-enabled mission support, na magpapalalim sa kooperasyon sa depensa ng Amerika at Pilipinas.
- Civil-Nuclear Energy: Nagkasundo ang dalawang bansa na pag-aralan ang isang intergovernmental agreement sa civil-nuclear technology, na naglalayong makalikha ng gigawatts na enerhiya para sa Pilipinas habang nagbubukas ng oportunidad para sa mga kumpanyang nukleyar ng Amerika.
- Satellite Connectivity: Nag-alok ang kumpanyang Astranis na nakabase sa Amerika ng komersyal na kasunduang nagkakahalaga ng hanggang $200 milyon upang maghatid ng ligtas at independiyenteng imprastraktura sa komunikasyon gamit ang kanilang AGILA satellite na gawa sa Amerika.
- Infrastructure: Magtatayo ang Subic Grain ng bagong $40 milyong fuel storage depot sa Subic Bay upang suportahan ang parehong komersyal na operasyon at ang militar ng Amerika. # (RRN)