KUMASA si Miss Universe Philippines 2023 Michelle Dee sa picture game ng programang Sa Totoo Lang kagabi sa One PH.
Nang ipakita kay Michelle ang larawan ni Anne Jakrajutatip, ang Thai national na Miss Universe owner, ang sabi niya,” Laban lang, good luck!”
Matatandaan inulan ng batikos ng netizens ang nag-viral na video ni Jakrajutatip na iniharap si Michelle sa camera at nagsalita ng wikang Thai at sinabing “move on.”
Habang sa larawan naman ni Miss Thailand at Miss Universe runner-up Anntonia Porsild, ang mensahe ni Michelle ay, “Antonia, I’m so happy that you are welcome so warmly by all of your fans, you know. If ever you need me, call me, I’ll answer your message. If ever there’s anything, I’ll fly right through you also.”
Ilang beses nag-trending ang mga paskil sa social media nina Michelle at Antonia na naging malapit na magkaibigan sa panahon ng timpalak. (ZIA LUNA)
(Larawan mula sa One PH)