HINDI dapat paniwalaan ang mga lumalabas na fake news at disinformation mula sa Chinese Embassy dahil layunin lamang nitong pagsabungin ang mga Pinoy para itambol ang layunin nilang kamkamin ang buong South China Sea.
Panawagan ito ni National Security Council (NSC) Assistant Director General sa publiko kasunod ng pahayag ng Chinese Embassy na pumasok sa isang “intimate understanding” ang Pilipinas noong Setyembre 2023 kaugnay sa Ren’ai Jiao, Chinese name ng Ayungin Shoal, ngunit inabandona raw ng administrasyong Marcos Jr. ang kasunduan matapos ang pitong buwan.
“In addition to the meetings of China-Philippines Bilateral Consultation Mechanism on the South China Sea (BCM), the Chinese side invited the Envoy of the President to China for Special Concerns of the Philippines [Teodoro Locsin Jr.] to Beijing last September to discuss how to properly manage the situation at Ren’ai Jiao , which resulted in an internal understanding,” ayon sa kalatas ng Chinese Embassy.
“Ang lumalabas po kasi, every now and then, may bago silang pakulo. Every now and then, China has a new narrative about supposed arrangements in the West Philippine Sea. First, it was the alleged promise ‘no, pangako daw na hindi tinupad ng ating bansa; pangalawa, naging gentleman’s agreement ‘no; ngayon naman, mayroong new model or intimate understanding ‘no,” sabi ni Malaya sa Presidential Communications Office (PCO) sponsored Saturday News Forum sa Quezon City kanina.
Giit ni Malaya, nakakalungkot na ang mga propagandista mula sa Chinese Embassy ay “tinutulungan ng mga apologists, propagandists, fearmongers ‘no, sinasabi nila “huwag tayong makipagtunggali sa Tsina dahil ang Tsina ay may nuclear weapons; at dahil may nuclear weapons sila, mapupulbos tayo so mag-surrender na lang tayo” – that’s essentially what they’re saying, iyan ang nakakalungkot because these apologists, propagandists, fearmongers and trolls are utilizing talking points from the Chinese Embassy.”
Tinawag ni Malaya bilang “puppets of the Chinese Embassy” ang tumutukoy sa US bilang may pakana ng mga naturang kaganapan.
Hindi kinompirma ni Malaya kung may kasunduan bang pinasok si Locsin sa China bagkus ay binigyan diin niya na anomang kasunduan ang pinasok na walang basbas ng Pangulo ay walang bisa kaya’t walang nilabag na agreement ang Pilipinas.
‘We wish to remind the Chinese Embassy that any understanding… ‘di ba, anuman itong mga intimate understanding na ito, without the authorization of the president has no force and effect. Kahit sino pang kausapin nila diyan, kung wala namang approval ng ating pangulo, wala rin itong kuwenta. And therefore, the Philippines never broke any agreement because there was none to begin with. What is there to break if there was no agreement whatsoever, ‘di ba?” wika ni Malaya.
Sinabi niya na kailanman ay hindi papayag ang Pilipinas sa anomang kasunduan na kumikilala sa kontrol at administrasyon ng Ayungin Shoal bilang teritoryo ng China dahil labag ito sa international law at kontra sa 2016 arbitral ruling. (ROSE NOVENARIO)