Isiniwalat ni Senate President Pro Tempore at acting Senate President Sherwin Gatchalian na maaaring konektado sa 18 dating bodyguard ng puganteng dating Ako Bicol Partylist Rep. Zaldy Co sa nakaambang banta sa seguridad sa Senado mula sa armadong grupo.
Ayon kay Gatchalian, ibinahagi ito sa kanila ni National Bureau of Investigation (NBI) Director Melvin Matibag.
Giit niya, sineseryoso ng mga awtoridad ang banta kaya’t inutusan niya ang Office of the Senate Sergeant-at-Arms (OSAA) na magsagawa ng koordinasyon sa iba’t ibang intelligence agencies para beripikahin impormasyon.
“Lahat ng banta sineseryoso natin, especially sa ganitong situation. Si Senate Sergeant-at-Arms will be coordinating with intelligence agencies. In the meantime, we have to take this seriously kasi ang priority natin ay safety ng employees, media, members of the Senate and senators,” aniya sa virtual press briefing sa Senate media.
Itinaas heightened security ang Senado simula noong Mertes, Hunyo 9, matapos matanggap no Gatchalian ang impormasyon mula sa NBI.
Nagpatupad ng work-from home ang Senado mula Miyekroles, Hunyo 10 hanggang Huwebes, Hunyo 11, 2026.
“Napakabilis ng pangyayari. I had to react very quickly, talk to some senators for advice and suggestion. Bilang Acting Senate President, I have to do what I have to do to protect the employees,” sabi ni Gatchalian.
Kaugnay nito, tiniyak ni Gatchalian na matatanggap sa oras ng mga empleyado ng Senado ang kanilang sahod at mga benepisyo dahil pinirmahan na niya ang tseke para rito. # (ROSE NOVENARIO)