Ikakanta na ni dating DPWH Secretary Manuel Bonoan ang lahat ng kanyang nalalaman hinggil sa anomalya sa flood control projects.
Sinabi ni Ombudsman Jesus Crispin Remulla na hihilingin niya sa hukuman na tanggalin si Bonoan sa mga kaso hinggil sa flood control upang magsilbi siyang state witness.
“We already have a signed agreement for the cooperation of former secretary Manuel Bonoan to be a state witness, to be a cooperating witness,” ayon kay Remulla.
“We will ask the court to discharge him as a respondent so he can testify for us.”
“The knowledge that he has about the whole institution is something very important to us, to be able to prove many cases,” dagdag niya.
Matatandaan inaresto si Bonoan noong Hunyo 1 sa kasong plunder at si Sen. Jinggoy Estrada ay kapwa niya akusado. May hiwalay rin silang kinakaharap na kasong graft.
Inaprobahan ng Sandiganbayan ang motion ni Bonoan para sa hospital arrest dahil sa humanitarian grounds bunsod ng kanyang edad at mga sakit. # (ZIA LUNA)