HINDI nakasama sa drug watch list ng Philippine Drug Enforcement Agency si Pangulong Ferdinand “Bongbong” Marcos Jr, taliwas sa pahayag ni dating Pangulong Rodrigo Duterte.
“The Philippine Drug Enforcement Agency (PDEA) categorically states that President Ferdinand R Marcos, Jr is not in its watch list, contrary to the statement of former President Rodrigo Duterte, claiming that ‘when he was the Mayor of Davao, he was shown evidence by PDEA that in the list, the name of the president was there,'” sabi ng PDEA sa isang kalatas.
Ayon sa PDEA, naging alkalde ng Davao City si Duterte mula 1988 hanggang 1998, mula 2001 hanggang 2010, at mula 2013 hanggang 2016.
“PDEA, on the other hand, was activated on July 30, 2002,” anang PDEA.
Giit ng ahensya, mula na-activate ang PDEA ay itinatag ang National Drug Information System (NDIS).
“The NDIS is the intelligence database of all drug personalities, gathering inputs from counterparts in both law enforcement and intelligence agencies. Pursuant to its mandate under Republic Act 9165, or The Comprehensive Dangerous Drugs Act of 2002, PDEA regularly conducts intelligence workshops in collaboration with other law enforcement agencies to update the NDIS,.
“From its inception in 2002 and up to the present, President Ferdinand R Marcos, Jr was NEVER in our NDIS,” anang PDEA.
Iginiit ng PDEA, kailanman ay hindi napasama si Marcos Jr. sa narco list ng administrasyong Duterte.
“It is worthwhile to note that, when the former President took over in 2016, his administration came out with a list, which was then initially called the ‘narco-list, sometimes referred to as the Duterte list’, and upon continuing validation and re-validation, it became the Inter-Agency Drug Information Database or IDID. The name of President Marcos is also not in the said list,” sabi ng PDEA.
“Based on all the foregoing facts, the PDEA asserts that President Marcos, Jr is not and was never in its watch list,” dagdag nito.
Sa ginanap na prayer rally kagabi sa Davao City, inakusahan ni Duterte si Marcos Jr, na kasama ang pangalan sa drug watch list na ipinakita sa kanya ng PDEA noong siya’y alkalde pa ng siyudad.
“Nung ako mayor, pinakitaan ako ng evidence ng PDEA. Doon sa listahan, nandoon yung pangalan mo,” he said, referring to the Philippine Drug Enforcement Agency. “Ayaw kong sabihin ‘yan kasi magkaibigan tayo. Kung ‘di man magkaibigan, magkakilala. Eh ikaw eh, pumapasok kayo nang alanganin. Mr. President, baka susunod ka sa dinaanan ng tatay mo. Diyan ako takot. Ayaw ko mangyari sa iyo ‘yan. Ako lang nagmamakaawa kasi it will divide the nation at madugo itong panahong ito,” ani Duterte.
Umigting ang hidwaan ng dating magkaalyadong Marcos at Duterte mula mapaulat na tapos na ang imbestigasyon ng International Criminal Court (ICC) kay Duterte at iba pang pangunahing sangkot sa isinulong niyang madugong drug war at hinihintay na lamang ang paglalabas ng international warrant laban sa kanila. (ROSE NOVENARIO)