Nakatakdang magsampa ang National Bureau of Investigation (NBI) ng qualified human trafficking sa Department of Justice (DOJ) laban kina Batangas First District Representative Leandro Leviste at dating Negros Oriental congressman Jacinto Paras kaugnay sa umano’y pagkakasangkot sa “honeytrap” scheme laban kay Executive Secretary Ralph Recto.
“We are filing violation of Anti-Human Trafficking Law so qualified human trafficking ‘yung ifa-file natin doon sa seven individuals,” sabi ni NBI Director Melvin Matibag.
“Ang findings natin they… [supposedly] committed qualified human trafficking. Nandoon lahat ng elements,” dagdag niya.
Irerekomenda rin ng NBI sa DOJ na nagsagawa ng preliminary investigation sa umano’y pagkakadawit ng apat na abogado at isa pang indibiwal.
Umalis ng bansa si Leviste noong nakalipas na Agosto 2 at pinaniniwalaang nasa France, ayon kay Matibag.
“Hindi ko lang alam ngayon kung nasaan na siya, but definitely still out of the country,” aniya.
Pinag-aaralan din aniya ng NBI ang maghahain ng disbarment case laban sa apat na abogado at ethics complaint naman laban kay Leviste sa Kamara. # (ZIA LUNA)