GALIT NA GALIT, GUSTONG MANAKIT

GIGIL na gigil sa galit ang isang opisyal ng administrasyong Marcos Jr. dahil may nagkuwestiyon sa requirement na kanyang pinapipirmahan sa ilang obrerong uugud-ugod na.

“Para saan pa at naging lider ako ng organisasyon ng libu-libong gaya ng propesyon ko kung hindi nila ako tutulungan na makasuhan ang anim na ito,” pagmamalaking wika ni GnaG exec sa isang pagtitipon, ayon sa mga nanlulumong kawani ng ahensya.

Hindi lang raw yan, gusto pa niyang makuha ang simpatya ng ilan pang opisyal ng kanilang ahensya para susugan ang kanyang pakana na “gipitin” ang mga uugud-ugod na obrero.

CLUE:

Minsan nang sumabit pero nakalusot si GnaG exec sa sa isang kontrobersyal na kaso na yumanig sa Inang Bayan.

Ngunit hindi pala naging leksyon ito sa kanya, sa halip na bumait, lalo pa yatang naging mabangis kahit ‘ika nga may edad na rin naman siya.

“Ayoko ng kasong plunder kasi no bail yan. PulPol lang ang opisyal na gusto pang magbulsa ng pera ni Juan sa pamamagitan ng pananakot sa mga uugud-ugod na at walang kalaban-laban na naging obrero ng bayan,” sabat ng miron.

‘Yun na!