KUSA na umanong tinatanggal ng mga aktibong opisyal at enlisted personnel ng Armed Forces of the Philippines (AFP) ang mga larawan nila sa social media na “naka-fist salute” o ang pamosong taas-kamao ni dating Pangulong Rodrigo Duterte.
Naniniwala si dating Sen. Antonio Trillanes IV na maaaring nahihiya na sila o ayaw nang maiugnay kay Duterte para hindi na madawit sa umano’y panawagan ng destabilisasyon ng dating pangulo.
“According to my AFP contacts, the active officers and EP are now voluntarily deleting their photos na naka-fist salute ni duterte. Either nahihiya na sila or ayaw na maassociate kay duts at baka madamay pa sa destab calls nya. Buti naman!” sabi ni Trillanes sa kanyang paskil sa Facebook. (ZIA LUNA)