Sa August 13, Martes inaasahang uuwi ang two-time gold medalist na si Carlos Yulo at buong Team Philippines buhat sa Paris Olympics.
Naiulat na isang heroes’ welcome ang igagawad sa kanila bilang pagsalubong sa kanilang ‘di matatawarang performance sa iba’t ibang nilahukang sports events.
Sa Maynila itatakda ang heroes’ welcome.
Pero kontra rito ang ilang netizens.
Anila, hindi raw deserving o karapat-dapat bigyan ng nasabing pagpapahalaga si Carlos na wala raw respeto sa kanyang magulang lalung-lalo na sa ina nitong si Angelica.
Kamakailan nga’y naiulat ang ‘di pagkakaunawaan ng mag-ina na may kinalaman sa pera ni Carlos.
Sa pamamagitan ng pro bono lawyer ni Angelica na si Atty. Raymond Fortun, humingi ng patawad si Angelica kay Carlos.
Ayon sa mga dismayadong netizens, hindi raw “hero” na matatawag si Carlos kung ganoon ang pakikitungo nito sa mismong ina.
Nagbanta ang mga ito na babatuhin nila si Carlos sa nasabing parada.
Huwag din daw nila makita-kita ang nobya nitong si Chloe San Jose dahil idadamay rin nila ito.
Aasintahin daw nila ang mukha ni Carlos.
Kinukuwestyon naman ng mga kakampi ni Carlos kung anong mentalidad meron ang mga nagbabantang netizens na ito.
Kung maghahasik din lang sila ng gulo sa araw ng pagdating ng buong Team Philippines ay mabuti pang huwag na silang lumabas sa kalye.
When has this decent nation coddled such unruly troublemakers?
Ka-cheap-an, ha?! (RONNIE CARRASCO III)